TAMKO LA CHADEMA KUYAKATAA MATOKEO YA UCHAGUZI WA MARUDIO
TOP STORIES
Tamko la CHADEMA kuhusu kuyakataa matokeo ya Uchaguzi wa marudio
Leo February 18, 2018 Kumefanyika uchaguzi wa marudio katika Majimbo Mawili Jimbo la Siha na Kinondoni ambapo Chama cha Demokrasia na Maendeleo (CHADEMA) kimetoa taarifa yake kuhusu mwenendo wa uchaguzi wa marudio uliofanyika February 17, 2018 katika Jimbo la Siha na Kinondoni.
Taarifa iliyotolewa na Katibu Mkuu wa CHADEMA Dr. Vicent Mashinji imeeleza kuwa baada ya upigaji wa kura katika uchaguzi kumalizika uligubikwa na vitendo vya viovu vya kihalifu.
CHADEMA imeeleza kuwa katika Jimbo la Kinondoni Tume imefanya urasimu kinyume cha sheria na kumefanyika makosa ya makusudi kuhakikisha chama hicho hakiweki Mawakala kwenye vituo vya kupiga kura kwa zaidi ya saa 2 tangu vituo vilipofunguliwa.
Katika Jimbo la Siha CHADEMA imeeleza kuwa vyombo vya Dola, hususani Jeshi la Polisi limetumika kubadili matokeo kwa kuwalazimisha Mawakala kusaini fomu za Matokeo tofauti na fomu rasmi zilizoko vituo na huku wakitumika kupora Masanduku na kubandika matokeo yasiyojulikana yametoka wapi.
No comments: